Родная мова — душа народа. Пакуль жыве мова, жыве і народ."Родная мова, матчына мова " — так шаноўна і ласкава называем мы сваюмову.

З мэтай выхавання павагі да культуры і традыцый свайго народа, абуджэння цікавасці навучэнцаў да вывучэння і захавання роднай мовы,
5 красавіка 2025 года ў сярэдняй школе №2 г. Касцюковічы сярод вучняў 2-4 класаў адбылося выхаваўчае мерапрыемства “Падарожжа ў краiну роднай мова”.

Сярод удзельнікаў падарожжа былі створаны дзве каманды: “Галосныя” і “Зычныя”. Удзельнікам было прапанавана сем прыпынкаў: “Загадкі”, “Перакладчыкі”, “Словаведы”, .“Старонкі мінулага і сучаснага”, “Знаўцы беларускага фальклору ”, “Пазнай слова ”, “Конкурс чытальнікаў вершаў на роднай мове”.

На кожным прыпынку навучэнцы выконвалі розныя заданні: разгадвалі загадкі, гулялі ў перакладчыкаў, успаміналі прыказкі і прымаўкі на роднай мове , чыталі вершы беларускіх класікаў, з цікавасцю размаўлялі на беларускай мове і папоўнялі свае веды.

Пераможцам у гульні "Падарожжа ў краіну роднай мовы" стала каманда “Галосныя”. Усе ўдзельнікі падарожжа атрымалі граматы і салодкія прызы.

Мерапрыемства прынесла карысць і асалоду маленькім беларусам. Сустракаючыся з родным словам, дзецi яшчэ раз пераканаліся, якая багатая і чароўныя наша беларуская мова. Любіце родную мову! У ёй наша мінулае, сучаснасць і будучыня!