18 лютага ў рамках тыдня беларускай мовы і літаратуры ў форме гульні-віктарыны прайшло мерапрыемства “Моўныя скарбы роднага краю”. У гульні прынялі ўдзел дзве каманды: каманда 5 “А” класа “Валошкі” і каманда 5 “Б” класа “Званочкі”.

У ходзе гульні ўдзельнікі прайшлі сем выпрабаванняў: прыгадаць ветлівыя словы ў конкурсе “Словы-прывітанні”, успомніць беларускія назвы прадметаў па прапанаваных малюнках, пры дапамозе карткі-падказкі расшыфраваць беларускія прыказкі, назваць твор і яго аўтара па ўрыўку, паспаборнічаць у вымаўленні беларускіх скарагаворак, перакласці словы з рускай мовы на беларускую.

У гульні актыўна ўдзельнічалі не толькі прадстаўнікі каманд, але і балельшчыкі.

Па выніках усіх выпрабаванняў пераможцам стала каманда 5 “А” класа “Валошкі”.